Hacks Week : كتخسر فلوسك دغيا؟ أربع تطبيقات تخليك تجمع فلوسك أو مضيعهومش فالخاويات

كاين اللي فينما كيدخلوه شي فلوس كيجلس يفكر فين يخسرهوم أو آش يدير بيهوم، وكاين اللي مكيفكرش كيمشي نيشان يخسرهوم فالخاويات، فإذا كنتي من هاد الفئة اللي مكتعرفش فلوسها فين كتمشي، أجي معايا نعطيك 4 ديال التطبيقات اللي غادي تعاونك تنظم تعاملاتك المادية باش هاكدا تعرف كل درهم فين مشا

Qapital أولا تطبيق كابيتال 
كيساعدك هاد التطبيق فأنك تجمع مبالغ صغيرة من الفلوس بلا ما تعذب،بحيث كيخلي للمستخدمين ديالو هما يتحكمو  فخاصية وضع قواعد الادخار اللي باغين هما، من خلال قاعدة كتسمى guilty pleasure، متعة المذنب، واللي كيخلي ليك فيها التطبيق واحد المبلغ صغير بزاف فحالتما بغيتي تخرج على الميزانية إذا تشهيتي تشري شي حاجة نفسك فيها
التطبيق كيمنح فترة مجانية مدتها 30 يوم، موراها خاصك تخلس رسوم الاشتراك كتوصل ل 3 دولار شهريا 

 You Need a Budget ثاني تطبيق 
كيفصل ليك هاد التطبيق الميزانية {يالك بشكل أدق وبطريقة سهلة، من خلال التركيز على ثلاثة ديال القواعد، اعطي أهمية لكل دولار،خبي فلوسك لدواير الزمان عيش بنفس مستوى الشهر اللي فات
وكيهدف هاد التطبيق بشكل أساسي لتغيير الطريقة اللي كتسير بها فلوسك، وكيخليك تخبي مواردك المالية بدون معاناة، الشيء اللي كيخليك حاط أهداف مالية قدامك أو قاد تحققهوم

   Mint ثالثا تطبيق مانت
كينظم  ليك هاد التطبيق كاع  الحسابات المالية ديالك وكيراقبها، وكيتبع جميع الأنشطة المالية ديالك من جميع الحسابات بما في ذلك الفواتير والديون والراتب التقاعدي، كل هادشي في بلاصة واحدة 

       Intuit Quick Books إنتويت كويك بوك
هاد التطبيق ممتاز اللي عندهوم بروجيات صغار ، فإذا كنتي كتجيغي شي ستارت آب فهاد التطبيق غيمكنك من إدارة كافة مصاريف وأموال الشركة، بالإضافة إلى أموالك ومصاريفك الشخصية الخاصة بلاما يتخلطو ليك بجوج